استعمال الزمن الأسبوعي
خطوة بخطوة

انقر على هذا الرابط، أو اكتبه في المتصفّح كما هو :

adawat.leaderacademy.school/emploi-temps.html

تفتح الصفحة مباشرة. ما فمّاش تسجيل، وما فمّاش كلمة سرّ. وإذا حبّيت ترجعلها غدوة، حطّها في المفضّلة : في الحاسوب اضغط Ctrl + D، وفي التليفون اضغط على النقاط الثلاث ثمّ «إضافة إلى الشاشة الرئيسية».

في الأعلى شريط أزرق فيه الخانات والأزرار. هذا هو موضع كلّ الأوامر.

تحته الصفحة البيضاء : جدول المواد، ثمّ الشبكة الأسبوعية.

تحت الشريط الأزرق تلقى ثلاث بطاقات بيضاء مرقّمة. هي نفس الخطوات اللي باش نعملوها توّا.

إذا نسيت شيء، ارجع لهم.

في الشريط الأزرق، أوّل خانة اسمها المستوى. انقر عليها فتنزل قائمة : السنة الأولى، الثانية… إلى السادسة.

اختر قسمك. وخلاص. كلّ شيء آخر يتبدّل وحده.

الجدول اللي تحت معمّر من جدول وزارة التربية. ما تكتب فيه والو إذا كان موافق.

شوف 2 : عمود الحجم الأسبوعي، وهو بالدقائق : ساعة = 60، ساعتان = 120، ساعة ونصف = 90.

إذا مدرستك عندها رقم آخر، انقر على الرقم وبدّله. الباقي يتحسب وحده.

في الشريط الأزرق، اضغط « توزيع آليّ ».

هذي هي الخطوة اللي تعمل كلّ شيء. الشبكة تتعمّر وحدها في أقلّ من ثانية.

الأيّام في اليمين، والفترات في الأعلى، والراحة في الوسط.

في كلّ خانة اسم المادّة وعدد الدقائق. هذا هو استعمال الزمن متاعك.

انقر على اسم المادّة داخل الخانة، فتنزل قائمة بكلّ المواد. اختر اللي تحبّ.

والرقم اللي جنبه (الدقائق) تنجّم تبدّله كيف كيف. والعلامة × تحذف الحصّة، و+ تزيد حصّة جديدة في نفس الخانة.

في جدول المواد، آخر عمود اسمه الفارق :

• ✓ معناها المادّة كاملة — لا ناقصة ولا زائدة.
• −30 د معناها ينقصها نصف ساعة.
• +1 س معناها زادت ساعة.

إذا كلّ المواد فيها ✓، جدولك مضبوط.

في آخر كلّ يوم تلقى المجموع. إذا تجاوز السقف الرسمي يولّي أحمر.

السقف : الدرجة الأولى 4 ساعات · الثانية 5 · الثالثة 6.

اضغط 7 « طباعة / PDF ».

في الحاسوب : تنفتح نافذة الطباعة. إذا تحبّ ملفّ PDF بدل الورقة، في خانة «الطابعة» اختر Enregistrer au format PDF ثمّ Enregistrer.

في التليفون : نفس الشيء — اختر Enregistrer au format PDF.

الجدول يخرج على ورقة A4 أفقية، بترويسة فيها اسم المدرسة والمعلّم والقسم.

اضغط 8 « حفظ المشروع ». ينزل ملفّ صغير في حاسوبك.

وكيف تحبّ تكمّل، ارجع للصفحة واضغط « فتح مشروع » واختر نفس الملفّ — تلقى كلّ شيء كيما خلّيته.

انتبه : الأداة ما تحفظش وحدها. إذا سكّرت الصفحة بلا ما تحفظ، تبدا من الأوّل.